የኦሮሞ ነጻነት ሠራዊት 11 ሰዎችን ካገቱ በኋላ ለመልቀቅ 5 ሚሊዮን ብር ተቀብለው አንለቅም ብለዋል።

November 25, 2023 

ራሱን የኦሮሞ ነጻነት ሠራዊት በሎ የሚጠራው አማጺ ቡድን ታጣቂዎች 11 የደብረ ዘይት ግብርና ምርምር ማዕከል ሠራተኞችን ከአንድ ወር በፊት በኃይል እንዳገቱ ዋዜማ ከምንጮቿ ሰምታለች።

ታጣቂዎቹ የማዕከሉን ሠራተኞች ያገቷቸው፣ ለማዕከሉ ሥራ ከቢሾፍቱ ወደ ባቱ ከተማ ከተማ በተሽከርካሪ በመጓዝ ላይ ሳሉ እንደኾነ ምንጮች ተናግረዋል። የቡድኑ ታጣቂዎች ሠራተኞቹን በትክክል የት ቦታ ላይ አፍነው እንደወሰዷቸው ግን ማወቅ አለመቻላቸውን ምንጮቹ ገልጸዋል።

ታጣቂዎቹ፣ አስራ አንዱን ሠራተኞች ለመልቀቅ በድምሩ አምስት ሚሊዮን ብር እንደጠየቁ የጠቆሙት ምንጮች፣ የታጋቾች ቤተሰቦችም ገንዘቡን አዋጥተው እንደከፈሉ ተናግረዋል።

ኾኖም አጋቾቹ ሌላ ተጨማሪ ኹለት ሚሊዮን ብር በመጠየቃቸው፣ ታጋቾቹ እስካኹን እንዳልተለቀቁ ዋዜማ አረጋግጣለች።