የሱዳን ተዋጊ ኃይሎች ያለቅድመ ሁኔታ የተኩስ አቁም ለማድረግ ተስማሙ

ከ 3 ሰአት በፊት

በሱዳን እየተፋለሙ ያሉት ኃይሎች የተኩስ አቁም ስምምነቱን እንደሚያከብሩ መስማማታቸውን ኢጋድ ገለጸ።

የምሥራቅ አፍሪካ የልማት በይነ መንግሥታት (IGAD) እሑድ እንዳስታወቀው እዚህ ስምምነት ላይ የተደረሰው በጂቡቲ በተደረገ የአባላት አገራት ስብሰባ ነው።

ጄኔራል አብዱልፈታህ አልቡርሃን የሚመሩት ኃይል የፈጥኖ ደራሽ ኃይልን ካለፈው ዓመት ታኅሣሥ ጀምሮ ሲፋለም ቆይቷል።

በዚህ ጂቡቲ በተደረገው ጉባኤ አብዱልፈታህ አልቡርሃን ተገኝተዋል። የኢጋድ መሪዎች ፈጥኖ ደራሽ ኃይሉን ከሚመሩት ጄኔራል ሐምዳን ደጋሎ ጋር በስልክ መነጋገራቸውም ተመላክቷል።

ሁለቱም ጄኔራሎች የቀረበላቸውን ምክረ ሐሳብ የተስማሙበት ሲሆን ከዚህ የተኩስ አቁም በኋላ በተናጥል በአካል እንደሚገናኙም ይጠበቃል።

በሚሊዮኖች ያፈናቀለውና ሺዎችን ለሞት የዳረገውን ጦርነትም በፖለቲካ ንግግር መፍትሄ ለመስጠት ሁለቱ ተዋጊ ወገኖች ቃል ገብተዋል።

• በሱዳን በእርዳታ መኪኖች ላይ በተፈጸመ ጥቃት ሁለት ሰዎች ተገደሉከ 5 ሰአት በፊት
• በሱዳን የወደፊት እጣ ፈንታ ላይ እየተፋለሙ ያሉት ሁለቱ ጄነራሎች18 ሚያዚያ 2023

ይህ የተኩስ አቁም ስምምነት ዜና የወጣው አሜሪካ ሁለቱም ወገኖች የጦር ወንጀል ፈጽመዋል ማለቷን ተከትሎ ነው።

ዋሺንግተን የፈጥኖ ደራሹን ኃይልና አጋር ሚሊሻዎቹ የዘር ማጥፋት ወንጀል ፈጽመዋል በሚል ከሳለች።

በዚህ ጦርነት በሚሊዯን የሚቆጠሩ ዜጎች ቤት ንብረታቸውን ጥለው ለመሰደድ ተገደዋል።

ከዚህ ቀደም በሁለቱ ተዋጊ ኃይሎች ተደጋጋሚ የተኩስ አቁም ስምምነቶች የተፈረሙ ቢሆንም ብዙም ሳይቆዩ ተጥሰዋል።