በወልዲያ የቤት ውስጥ ቆይታ አድማ እየተደረገ ነው

በአማራ ክልል ሰሜን ወሎ ዞን ወልዲያ ከተማ ለሳምንት የዘለቀው ግጭት ቀጥሎ ከጥር 21 ቀን 2010 ዓ.ም. ጀምሮ ለሦስት ቀናት የሚቆይ ከቤት ያለመውጣት አድማ እየተደረገ ነው፡፡ የንግድ ድርጅቶችና መንገዶች መዘጋታቸውን ሪፖርተር በስፍራው ተገኝቶ ተመልክቷል፡፡ የፌዴራል ፖሊስ አላካት ወደ ከተማው ሲገቡም ተስተውሏል፡፡ በወልዲያ ከተማ የሚሠሩ አንድ መምህር ለሪፖርተር እንደገለጹት፣ የመጀመሪያ መንፈቅ ዓመት የማጠቃለያ ፈተና እንዲሰጥ ታቅዶ የነበረው ከሰኞ ጥር 21 ቀን 2010 ዓ.ም. ጀምሮ ቢሆንም በአመጾቹ ምክንያት ፈተናዎቹ የመሰጠታቸው ዕድል  አናሳ ነው፡፡ ወላጆች ልጆቻቸውን ከየትምህርት ቤቱ እየወሰዱ መሆኑንም መምህሩ ተናግረዋል፡፡