የኦሮሚያ ፍትህ ቢሮ ህዝብ ግኑኘነት ሃላፊ አቶ ታዬ ደንዳዓ በቁጥጥር ስር ዋሉ – BBC

አቶ ታዬ ደንዳዓ

የኦሮሚያ ፍትህ ቢሮ ህዝብ ግኑኘነት ሃላፊው አቶ ታዬ ደንዳዓ በቁጥጥር ስር ዋሉ።

የዓይን እማኞች ለቢቢሲ እንደተናገሩት አቶ ታዬ ዛሬ ጠዋት አዲሱ ገብያ ከሚገኘው መኖሪያ ቤታቸው ወደ ሥራ ቦታቸው ሲያቀኑ ነው በታጠቁ የፌደራል ፖሊስ አባላት የተወሰዱት።

አቶ ታዬ በቅርቡ ‘በሞያሌ ከተማ የተፈጸመው ግድያ በስህተት የሆነ አይደለም‘ ሲሉ ለመገናኛ ብዙሃን አስተያየታቸውን መስጠታቸው ይታወሳል።

የአቶ ታዬ ባለቤት ወ/ሮ ስንታየሁ አለማየሁ ባለቤታቸው መታሰራቸውን እንጂ የት እንደሚኙ እንደማያውቁ ለቢቢሲ ተናግረዋል።

ለመታሰራቸው የቀረበ ምክንያት ባይኖርም በአስቸኳይ ጊዜ አዋጁ ማስፈጸሚያ መመሪያ መሰረት ከኮማንድ ፖስቱ ውጭ በፀጥታ ጉዳይ ላይ መግለጫ መስጠት አይችልም። ሆኖም አቶ ታዬ ‘የሞያሌው ግድያ በስህተት የሆነ አይደለም‘ ማለታቸውን ተከትሎ ሳይታሰሩ እንደማይቀር በርካቶች ግምታቸውን ያስቀምጣሉ።

አቶ ታዬ የዩኒቨርሲቲ ተማሪ ሳሉም ለበርካታ ጊዜያት ለእስር ተዳርጓል። በአዲስ አበባ ዩኒቨርሲቲም በሕግ የመጀመሪያ ዲግሪ ለመመረቅ 16 ዓመታት አስፈልጓቸውም ነበር።

አቶ ታዬ ከጥቂት ወራት በፊት ከቢቢሲ ጋር ያደረጉትን ቆይታ እዚህ ጋር ይመልከቱ።

አንድ ድግሪ ለማግኘት 16 ዓመታት የፈጀበት ኢትዮጵያዊ