“የአኖሊን ሃውልት ታሪክ የሚቀረው በዚህ ትውልድ መግባባት ነው፤ እውነተኛ የፖለቲካ ገበያ ለፍቅር እና ለአንድነት መሆን አለበት” ጀዋር ሙሃመድ

የኦሮሚያ ሚዲያ ኔትወርክ ዋና ዳይሬክተር አቶ ጃዋር ሙሃመድ እና ከተለያዩ የሙያ ዘርፎች የተውጣጡ ተሳታፊዎች ያካሄዱት ውይይት(የቀጠለ)
ባሕር ዳር፡ነሀሴ 04/2010 ዓ.ም(አብመድ)
• ‹‹እውነተኛ የፖለቲካ ገበያ ለፍቅር እና ለአንድነት መሆን አለበት።›› ጀዋር ሙሃመድ
ወጣቶች ያቀረቧቸው ጥያቄዎች
• የአኖሌ ታሪክ ስህተት መሆኑን በኦሮሞ ምሁራን በተደጋጋሚ ተነግሯል፤ ይህንን ለወጣቶች በማስረዳት ያንተ ሚና ምንድን ነው?

• ጃዋር ስለ ኢትዮጵያ ህዝቦች ጥቅም በእኩልነት ልትታገል የምትችልበት ስልት ምንድን ነው?

ጃዋር ሙሃመድ የሰጠው ምላሽ
• ጀዋር ሙሃመድ ኦ ኤም ኤን ሚዲያ ለአማራው ህዝብ መብት የሰራው አነስተኛ ነው የተባለው ትክክል ነው፤ የአማራው ጥያቄ እንዳይዳፈን ግን አድርገናል።
• እኛ ወጣቶች ላይ አተኩረን እንሰራለን፡፡
• እውነተኛ የፖለቲካ ገበያ ለፍቅር እና ለአንድነት መሆን አለበት፡፡
• መፈናቀሉ በአማራው ሲጀምር ብናስቆም አሁን ለኦሮሞ አይደርስም ነበር ለዚህም ነው ‹‹እኛ ሁላችን ነን›› ብለን ማሰብ ያለብን።
• በአማራ እና በኦሮሞ መካከል ያለው ግንኙነት ስትራቴጂካዊ እና ፖለቲካዊ ብቻ ሳይሆን በአንድ ሰው ውስጥ ያሉ መሰረታዊ ህልውናዎች ናቸው።
• የአኖሊን ሃውልት ታሪክ የሚቀረው በዚህ ትውልድ መግባባት ነው፤አሁን ያለው ለውጥ ትልቅ እድል ነው። ሃገር በመዋደድ ላይ እንዲመሰረት፣ የጋራ ጠላት የሆነው ድህነት እንጂ የተናጠል ጠላት እንደሌለን ማሳየት ያስፈልጋል።
• ህዝብን ከህዝብ በማጣላት ትርፍ ማግበስበሰ ለሚፈልጉ ሰዎች እጅ መስጠት አያስፈልግም። ይህንን በመረዳት የህዝብ ለህዝብ ግንኙነቱን ማጠናከር ያስፈልጋል፡፡
• የአማራ ህዝብ በፌዴራል ስርዓቱ የተጠቃሚነት ጥያቄ ያነሳል እንጂ ለስርዓቱ ስጋት አይደለም። ወጣቱ አሁንም ለውጡን እንዲረዳ፣ በለውጡም ህብረ ብሄራዊ ተጠቃሚ እንዲሆን ብዙ የቤት ስራ ይጠይቃል።
• ታሪክ ሳይዛነፍ ለወደፊቱ አብሮነታችን የሚጠቅመውን መስራት ከሁለቱም ክልሎች ይጠበቃል።

ዘጋቢ፡- ግርማ ተጫነ
የአማራ መገናኛ ብዙሃን